Tuesday, August 10, 2010

Bulan Puasa

Tatamu pulang kita isuk lawan bulan puasa. Rami pulang urang bajualan wadai. Macam-macam wadainya, nang kadada di bulan lain, di bulan puasa ni batuyuk. DUitnya haja lagi, haha...
Maka tabalujur pas takana musim katam. Asing-asingnya urang babarian baras hanyar, asa damai hati, tapi tahuam mun di kota.
Bahari waktu masih kakanakan wayah kaini ni sadang sudah batagih baju hari raya, haha...

Nah, malam ini tarawihan sudah kita. Cari langgar atawa masjid nang imamnya anum, sakira kada lawas mambaca surahnya. Bujuran, daripada panat batis mahadangi imam kalawasan mambaca surah, mana mata mangantuk.
Kakanakan rami bisa ni malam ini bamrcunan, kada mangarti lagi lawan bahaya.
Na iih, tampulu sampat mamadahi. Banyak kita nang kada tahu bahwa dua buka puasa (ada kalu nang "Allahumma lakasumtu dst....") tu dibacanya imbah kita tuntung makan, kada nang sabalum manyuap pang. Mun handak makannya tu baca dua handak makan ja (Allahumma bariklana...).
Amun kada parcaya, buka ha di buku-buku risalah, pasti tulisannya dua sasudah buka puasa. Mun dipahami artinya gin sasudah jua artinya.
Na iih, sabuting lagi handak mamadahi. Ada kalu bunyi manginging pas saur, tu artiny6a imsak kalu. Na, imsak tu daripada mambari paringatan haja amunnya parak lagi habis waktu saur. Nang iyanya tu padahal sampai azan subuh (terbit fajar). Jadi kada papa padahal mun makan atawa minum pas sudah imsak, asal balum azan subuh haja. Tapi baik haja pang bamandak badahulu pas imsak, jadi nyaman parut.
Sudah gin nah, nangini haja dahulu. Pina kada kakaruan kaini tih pustingannya.

12 comments:

  1. bujuram jer pian ... ulun gin jadi pusing mbacanya

    ReplyDelete
  2. selamat menunaikan ibadah puasa hari kedua
    heheh
    gak paham aku
    hahha

    ReplyDelete
  3. kirain cm aku yg binun.. hiks hiks

    ReplyDelete
  4. Selamat menunaikan ibadah puasa dangsanak ;)

    ReplyDelete
  5. Oo...mengataman kah udah di kampung ikam..
    Wadahku jangan mangatam, batanam haja kadas kawa lagi..banyu sing dalaman. Hujan tarus pulang..haha,,(kd bbaras hanyar)..

    Ooo...jd kytu leh doanya..(dpt ilmu hnyar am nah)..hha,

    ReplyDelete
  6. bahasa Banjar, haha...

    ReplyDelete
  7. Sama-sama, dangsanak

    ReplyDelete
  8. Sapalih haja pang yg mangatam, banyak nang rusak jua banihnya.

    ReplyDelete
  9. malam
    p cabar
    met puasa y bang
    salam hangat dari blue

    ReplyDelete
  10. Kabar baik sahabatku...
    sama2, met puasa juga...

    ReplyDelete